Epistul a Filemon

 Ci vos posse trovar li Epistul a Filemon, quel yo ha traductet a Occidental. It es un del libres del Nov Testament, un lettre scrit del apóstol Paul, durante que il esset in prison, juncte con Timoteo, e directet a Filemon, un ductor del ecclesie de Colosas. It parla pri pardon e reconciliation.

Epistul a Filemon

1. Ex Paul, qui es in prison pro servir a Cristo Jesu, e fro Timoteo, qui es quam un fratre pro nor fide. Filemon, tu labora con nos e es mult car a nos. Ti-ci lettre es per te

2 e per li ecclesie quel assembla se in tu dom. It es anc per nor amat amico Apia e per Archipo, qui servi al Senior quam noi fa.

3 Yo prega que Dio nor Patre e nor Senior Jesu Cristo va esser benevolent con vos e va benedir vos con pace!

4 Filemon, yo sempre mersia a mi Dio al memorar te in mi pregas, 5 nam yo audi pri tu fide in nor Senior Jesu e pri tu amor per omni qui es part del popul de Dio.

6 Tu fide li Senior, lu sam que noi. Caus to yo demanda a Dio que tu mey sequer fident le til que tu mey conosser tot li bon que noi posse far, mersí al amor que noi senti per Cristo.

7 Fratre Filemon, yo es mult joyosi e animat pro saver que tu ama mult al altri, nam tu ha consolat e animat a omni qui apartene al popul de Deo.

8 Cristo da me li corage per dir te quel far. 9 Ma yo vell preferer demandar te far it simplicmen caus amor. Yes, quam quelcunc in prison caus Cristo, 10 yo demanda que tu auxilia Onesimo. Il es quam un filio per me caus yo ha guidat le a Cristo ci in prison. 11 Ante to, il esset ínutil per te, ma nu il es util per ti e per me. 13 Caus to nu yo invia le a te, e yo espera que tu va recive le quam tu vell reciver a me. 13 Yo hat preferet que il restat con me, afin il mey auxiliar en tu loc durante que yo es in prison pro anunciar li bon nova. 14 Ma yo ne va far necós sin que tu concorda, afin li favore que yo demanda te no mey resultar un obligation per te.

15 Forsan Onesimo esset prendet de te per un témpore, por que nu il es tui per sempre. 16 Solmen que nu tu ya ne va haver il quam sclave, ma quam un fratre mult amat, quel es mult plu bon. Yo ama le mult, ma tu deve amar le ancor plu. Ama le quam a un membre del familie del Senior, e non quam a alquí.

17 Si tu considera me un amico de Cristo, dunc bonveni Onesimo quam tu vell bonvenir me. 18 Si il ha fraudat te, o si il debi quelcós, postula it a me. 19 Con mi propri manu yo scri: Yo, Paul, va paya te. Etsi, francmen, tu no vell debi postula necós a me, nam tot quel tu have, e tot quel tu es, tu deve it a me. 20 Mi car amico e partisan de Cristo nor Senior, ples joyi me fante to per me.

21 Yo es secur que tu va far tot quel yo ha demandar, e mem plu. 22 Ples prepara un chambre per me. Yo espera que vor pregas va esser respondet e yo va posser visitar vos.

23 Epafras, qui es in prison con me pro esser pro servir a Cristo, saluta te, 24 e anc Mark, Aristarco, Demas, e Luca, qui labora con me.

25 Yo desira de tot cordie que li amor del Senior Jesu Cristo es con vos sempre.

Traductet de Vicente Costalago a Occidental

13.IX.2021